Svestranost joj nije strana

Jedna od vrijednih učenica naše skole je i Ćerić Amra iz odjeljenja II-6.

Učenik je drugog razreda obrazovnog profila „Obrađivač plemenitih metala“. Na časovima praktične nastave ističe se vrijednim i marljivim radom. Primjenjujući tehnologije izrade nakita od žice i lima, Amra stvara lijepe minđuše, ogrlice, priveske, medaljone. Kaže da joj se ovaj zanat veoma sviđa i najavljuje nove, lijepe komade nakita.

 

 

Uporedo sa redovnom školom, Amra je svakodnevno u salonima „Kluba frizera Zoran“ gdje izučava frizerski zanat. I ovdje ima puno uspjeha, zapažene su njene kreacije. Učestvuje na takmičenjima frizera gdje postiže sve bolje rezultate.

 

 

Još jedno interesovanje je sportski ribolov. Na terenima Skadarskog jezera Amra je često sa štapom za pecanje. U ovom hobiju ima uspjeha. Prvak je Crne Gore u sportskom ribolovu u juniorskoj konkurenciji.

 

 

Poslije završene srednje škole Amra bi željela da nastavi školovanje u sferi dizajna jer želi dalje da se usavršava.


Sigurni smo u njen uspjeh!